السلام عليكم ورحمة الله وبركاته
اسم ولا اروع اختارة الاستاذ عمرو خالد واتكلم
عنها كتير اوي اوي ... في برنامجه بس......
ويكون شيء يشفع لينا باذن الله واحنا في امس الحاجه لاي مساعده
حملة حمـــــــــــــايه
في بيوتنا وهيه لمده 5 اسابيع بس .
ايه 5 اسابيع بس .... ؟
ايوه 5 بس !!
وانطلقت الحمله من يوم 7-3-2008
يعني من يومين بس
طيب ... هيه ليه ... ولمين ..... وعشان ايه ...
ده زي مالفريق واستاذنا عمرو اتكلم عنها
وكول الي انت عايز تعرفه هتلقيه علي موقع
الاستاذ عمرو خالد او علي موقع حماية
ادخل وحمل ملف التعريف بالحمله والبوستر
واهم حاجه
حلقه الجنه في بيوتنا اللي تم الاعلا ن
عن الحمله فيها وصدقني هتلاقي كووووول
الي انت بتسال عليه وهتاخذ شحنه من الامل
والاصرار علي العمل اكتر واكتر
واوعي تنسي .... تبدأ بواجب الاسبوع الاول
وكمان تسجل اسمك وايميلك في قائمة الشرف
الي المفروض انك حملتها الوقتي
واوعي كمان يفوتك تغطية اخونا الفاضل
محمد الشاعر
للموضع في مدونته الي هتلاقيها مشرفانا
طيب دلوقتي احنا هنبدا بشغلنا كمدونين
وننشر الفكره علي أد مانقدر وطبعا مش هقولك
ازاي ....
مع الحمله ونبدأ بتنفيظ الواجبات
طيب واحد/ واحده كده ابن حلال بيقرأ الكلام ده الوقتي
وطبعا مشفش حلقه استاذنا " الي المفروض انك بتحملها الوقتي"
يقوم يقول يعني الناس بتموت في غزه والرسول بيسب ويهان
وانتوا شغالين في حملات للمدمنين ؟
طبعا السؤال ده الي جواب عليه استاذنا عمرو خالد
في الحلقه " الي انت المفروض برده بتحملها الوقتي "
دي لأ دا دي لب الموضوع وقال كمان ان
عدد المدمنين بيزيد ويتضاعف
عدد المدمنين في الوطن العربي 10 مليون منهم 5 مليون في
مصر بس " عمـــــــــــــار يامصر "
فتخيل انت باه كم متعاطي ؟!
طيب وليه الاعداد بتزيد ؟
لان المخدرات بترخص جدا
وان المخدرات لها علاقه شديده بصراعنا مع عدونا
لانهم اول اللي دخلولنا المخدرات في حرب سيناء في 67
واذا كانت غزه بتضرب الوقتي واخوانتا بيموتوا برصاص العدوا
فولادنا في بلادنا العربيه كمان بيموتوا بنفس الطريقه بس مش بالرصاص
لأ .... بالمخدرات والاثنين ميتين فاذا كان قلبنا علي اخواتنا في غزه وكلنا بنقول
عايزين نعمل حاجه ومش عارفين ..... ؟
فسمحونا ياأهل غزه احنا مش قادرين نعمل ليكم حاجه !
لكن الي نقدر نعمله اننا نحرك الاجابيه في ناسنا ومجتمعنا
علشان ننقذ ولادنا علشان نقولهم فوقوا لان غزه دي ملكنا وحقنا
يبقي عملنا حاجه كبيره اوي اوي ....!
اذا كان موضوع غزه او موضوع سب الرسول عليه الصلاه والسلام
فهما الاثنين طالعين من موضوع واحد ...!
ياخوانا عمرنا ماهنقدر نعمل حاجه بشباب ضعيف مش مدرك اصلا
الي احنا فيه لازم نصحي بلدنا الاول وبندأ الدفاع بقوه وبعقل واع وتفكير
سليم وشباب اقوي من الحديد ...!
اعتقد انك كده عرفت كفاية اوي عن الحمله
باقي بس نشوف مع بعض بعض البنرات اللى عملها المدونين
لنشر الحمله وانا طبعا حصلت عليها من مدونة اخونا الشاعر
ــــــــــــــــــــــــــــــــــــــــــ
حمايه
لو هتسأل ليه حمايه
وليه شبابنا من البدايه
لو هتسأل ليه وليه
يبئى هحكى لك حكايه
.....
قوم تعالى وشوف شبابنا
لو تشوف تعرف عذابنا
كان كتاب ربه طريق
والصلاه فى اليوم صديق
دلوقتى فى الدنيا غريق
بمخدرات خربت حياتنا
.....
فاكره يامصر شباب زمان
كان عالعدا زى الطوفان
الله أكبر فى المكان
وشباب أسود وسط الميدان
عمره ماخاف أو كان جبان
فاكر ياصاحبى شباب زمان
.....
قولى ياصاحبى شبابنا فين
ولا أقول لك
قول ياصاحبى
شبابنا جاب الكيف منين
وليه شبابنا يعيش سجين
لفساد بيحكم من سنين
ماتقول ياصاحبى شبابنا فين ؟ !
.....
عرفت ليه حملة حمايه
عرفت ليه بنقول كفايه
عرفت ليه كل الشباب
حلفوا لنرجع للبدايه
.....
طبعا ً هتسأل دروى إيه
وعلشان أشارك أعمل إيه
ياصاحبى حملتنا حمايه
وإيد فى إيد خيرنا نلاقيه
......
كلمات
معاذ فتحى شحاته
فارس الأزهر
ـــــــــــــــــــــــــــــــــــــــــــــ
باقي بس نذكر بعض بواجب الاسبوع الاول
وجزاكم الله الف خيرا
اختكم :Rima
21 شاركوني الحلم:
السلام عليكم
جزاكم الله خيرا أختنا على العرض الطيب
ونحن أقل بكثبر من ان يشار الينا فى البوست
بس ربنا يتقبل
وانا ان شاء الله هرفع راس المدونين فى الحلقه الجايه اللى هى يوم الجمعه
كل كلامى هيكون عن المدونين اللى ساعدا فى الحمله
وانا على فكرة بجمع كل المدونات اللى كتبوا فى الحمله
وبرفعها فى قايمه الشرف
وان شاء الله فى حفل الختامى نفرج كلنا
جزيتم كل خير
اخونا الفاضل : محمد الشاعر
انرتم باطلالنكم علينا وكم اسعدنا
تشريفكم لنا بهذا الرد ونتمني ان
يوفقكم الله في حديثكم يوم الجمعه باذن
الله ويشرح صدركم وييسر امركم ويحلل
عقدة من لسانكم باذنه تعالي ولربما
كنت اواجه مشكله في الوصول الي قائمة
الشرف وارجوا ان اجد حلا سريعا ولكن
اولا ننتظر ان يرفع رأس المدونين باذن
الله عاليا .
وجزاكم الله الف خير
ولاتنسونا جميعا من صالح دعائكم
اختكم : Rima
اختنا الفاضله ريمه
جزاكم الله خيرا أختنا على هذه المدونه الرائعه والتى ادخلها لاول مره
وجزاكم الله خيرا على نقل الحمله من اخونا الحبيب الشاعر
وجزاكم الله خيرا على نشر كلماتى المتواضعه عن حملة حمايه
وتقبلوا مرورى
وجزيتم كل الخير اخونا الفاضل : معاذ
علي المرور الكريم وانرتمونا باطلالتكم
علينا
اختكم :ريمــــا.
السلام عليكم ورحمة الله وبركاته
اختي الحبيبة ..ريما..
اعذريني لتأخري في الرد ..
رغم زيارتي الدائمة لمدونتك الرائعة ..
ربنا يبارك في حضرتك ...
ويستخدمنا واياكي لنصرة الاسلام
السلام عليكم
جزاكم الله خيرا ع التفاعل فى الحملة ((حماية))
ربنا يجعله فى ميزان حسناتكم ان شاء الله
مدونة طب ليه كده
اول زيارة ولنا تواصل بإذن الله
وعليكي السلام حبيبتي : سمية
اولا انتِ تعلمين جيدا انكِ حتي ولو لم
تكتبي حرفا واحده ستبقين في قلبي
الاكثر حبا دائما
حبيتي جزيتي كل الخير
علي المرور الذي انار المدونة
اختك : Rima
اخونا الفاضل : عبدالله حسني
انرتمونا باطلالتكم علينا
ومدونتكم اكثر من رائعه
بارك الله فيكم وزادنا وزادكم
اخلاصا وتقوي
جزيتم كل الخير علي المرور الكريم
اختكم :Rima
حمله مباركه
ان شاء الله
اول زياره وسأكررها ان شاء الله
جزاكى الله خيرا للتذكرة
ومدونتك جميلة وتستحق المتابعه
وأدعوكى لزيارة مدونتى آفاق الإسلام
اخونا الفاضل : حسام
تشرفنا بزيارتكم الاولي وباذن
الله لنا تواصل دائم
ــــــــــــــــ
اخونا الفاضل : عمر المصري
وجزيتم كل الخير
علي المرور الكريم
ومدونتكم ايضا رائعه
ومعبرة عن الشباب الاسلامي
جعله الله في ميزان حسناتكم
ـــــــــــــــــــــــ
وانرتما باطلالتكم علينا
اختكم : Rima
أختي الفاضلة
الحقيقة دي أول زيارة وإن شاء الله نتواصل دائماً
وجزاكي الله خيراً على هذا الجهد الرائع وجعله في ميزان حسناتك وأعانكم على فعل الخير
حياكي الله
وجزيتم كل الخير
اخونا الفاضل : امير القلوب
علي المرور الكريم
وباذن الله هذه بداية التواصل
بوركتم
اختكم : Rima
ياا رب الحملة تنجح وتوصل لكل الشباب المدمنين .. وبدل ما يصرفوا فلوسهم ى للمخدرات يصرفوها فى حاجة مفيدة تنفعهم مش تضرهم
شكرااا ليكى أختى ريما
أخوكم إخوانى حتى النخاع
http://ikhwangeeee.blogspot.com
معكم بعون الله
جازكم الله خيرا
ننتظر جديدكم
ياااااااا رب يهدى كل الشباب
يا رب الحملة تلقى نجاحا كبيرررررا
أمييين
أخوكم إخوانى حتى النخاع
http://ikhwangeeee.blogspot.com
اخونا الفاضل : اخواني حتي النخاع
عفوا و جزيتم كل الخير علي المرور الكريم
ــــــــــــــ
اخونا الفاضل: جمعاوي روش طحن
انرتمونا باطلالتكم علينا
ـــــــــــــــــ
اخونا الفاضل : حسام يحيي
دعواتكم .. انتظروا قريبا
الموضوع الاكثر تداولا بين الشباب
ـــــــــــ
انرتمونا جميعا باطلالتكم عليَ
اختكم:Rima
ربنا يوفقكم فى الحمله دى ان شاء الله
وننتظر جديدكم
السلام عليكم ورحمة الله وبركاتة
جزاكى الله كل خير
تحياتى
وعليكم السلام ورحمة الله وبركاته
اخونا الفاضل : عدنان المصري
انرتنا باطلالتكم علينا
وجزيتم كل الخير علي
هذا المرور الكريم
اختكم :Rima
إرسال تعليق