لغزة ندون ,,,,,,,!

لغزة ندون ,,,,,,,!

الخميس، 12 مارس 2009

حوارخاص::مع الطبيب المجاهد (( د/ ميسرة قدري ))

بسم الله الرحمن الرحيم

سلام الله عليكم ورحمة وبركاته

حياكم الله

يقول تعالي : [
إِنَّ اللّهَ اشْتَرَى مِنَ الْمُؤْمِنِينَ أَنفُسَهُمْ وَأَمْوَالَهُم بِأَنَّ لَهُمُ الجَنَّةَ ]
أظهرت لنا ايام الحرب علي غزة معادن المجاهدين والمرابطين الصامدين علي
ارض غزة الاباء ...رجال صدقوا ماعهدوا الله عليه فصدقهم الله في وعده
ونصرهم وايدهم بكلمة الحق في كل بقاع الارض ...
ولــكن كما رأينا جهادهم وتضحيتهم رأينا ايضــا اناس من بيننا كانت لهـم
بصمات في هذه الايـــام ...حاولوا تقديم كل مايستطيعون في سيبل رفع كلمه
الاسلام عاليا ... فحاولنا التقرب منهم والتحدث اليهم علهم ينقــلون لنا بعض
النفحات من ارض غزة ....... التي حملنا جميعا ان تطأ أقدامنا اياها
يوما من الايــام ......!! فكان لنا لقاء مع..... احد الاطباء المصريين
الذين كتب الله لهم ان يجاهدوا بعلمهم ويشاركوا اخوانهم ماعانوه
في ارض غــزة ....كان لنا حوار مع الطبيب /
ميسره قدري ...
تخصص
جراجه الفم والاسنان (( طلخا _دقهلية ))
الذي تواجد بمستشفي الشفاء اثناء الهجوم الصهيوني علي غـــــزة ...
بعد عودتة من هناك
كان لنا معه حديث لينقل لنا بعضا من المعاني التي عاشها في تلك الايام ..

** ** **


ملاحظـــــة ::
نقلنا لكم الموضوع بالعـــامية ..كمـــا أخذناه من طبيبنا ...وكما ااحتفظ بكل
المعاني التي خرجت تلقائيا تصف كل شعور عاشه الطبيب بتلك الايام ....فربما
تكون هناك صعوبة في القراءه ولكنها يسيره باذن الله تعالي.. .. ..

** ** **


((..
.بسم الله الرحمن الرحيم...))

بنرحب بحضرتك يادكتر ... وحمد لله علي السلام وربنا يتقبل منكم ان شاء الله ويجعله في ميزان حسناتكم....مبدئيا عايزين حضرتك تكملنا عن بداية الفكــــرة .... ؟

بسم الله الرحمن الرحيم ... والصلاه والسلام علي اشرف الخلق محمد صلي الله علية وسلم.. طبعا بدايه الفكره جت مع
بدايه احداث غزة الواحد بدأ يحمل هم القضية ..وازاي اننا لازم نعمل حاجه فكان الواحد بيندفع انه يتحدث في المساجد
رغم انه مش بالـقدره الكامله انه يتكلم او يلقي خاطره لكن ازاي هتعمل حاجه زي كدا ؟ ربنا هيوفقني . !! كان الواحد
بيبقي همه انه بيتواجد في امـاكن فيها ناس كتيروفي نفس الوقت مش قادر اني اوصل الرساله ... فكان الواحد خلاص
بيتوكل علي ربنا وان شاء الله ربنا مــش هيخذلني ويبدأ الحديث .. .. ..وفعلا كان الحمدلله ربنا بيوفقنا ويفتح لينا كل
ابواب اليسر . لكن بعد الخطوه دي هعمل ايه مش معقوله دوري هيقتصر علي كدا وبس .. .. .فبدأت التفكير في حملات
الاطباء وبالفعل قررت المشاركه فيها ...والحمد لله ربنا يسر لينا الامور بشكل غير طبيعي احنا لحد الوقتي مش عارفين
ازاي ؟؟ فالواحد لو شال هم القضية فعلا واستشعر انه لازم يقدم حاجه ولازم يضحي ... ويصدق النيه اوي اوي مع ربنا
ومع نفسه ويخلص في العمل علي قدر مايشاء وطالما صدق ربنا فلازم يكون عنده يقين ان ربنا هيصدقه.

** ** **
*
حضرتك عشت في مجتمع الكثير بيتمني انه يعيش فيه زأكيد في مظاهر طيبة لهذا المجتمع كانت احدي عوامل تكوين شخصية مجاهدين كمجاهدين غزة ؟

** بالنسبة للمجتمع الحقيقه كان لية مظاهر مبهره جدا والواحد فوجيء بيها ..
يعني هل في مجتمع فعلا عايش بالشكل داولو احنا قعدنا كدا نعدد بعض
الحاجات اللي لفتت نظر الواحد ::

- المجتمع العادي بأكمله ملتف حول المقاومة وكأن 1.5 مليون مقاومةإلا نسبة بسيطه جدا ممكن تقول حوالي 5% عملاء ولو قلنا الناس الي ملهمش في حاجه 15 %

- كرم الناس هناك غير طبيبعي ...يعني انا لا اذكر اني دفعت مبالغ تذكر أبدا هناك وكنا اخر يوم بناكل ع الشموع
وكنت تلاقي سفره كامله ..وكنا اصلا بنغسل ايدينا بالعافيه يعني صراحه كرم وبركه عالين اوي

- هناك المساجد في كل الصلوات ممتلئه ... من أطفال وشباب وشيوخ ... ومكنش حد يطلع من المسجد غير بعد السنة والختام واتمام الصلاه ع اكمل وجهه

- لفت انتباهي عدد المساجد الهائل الي بتحفظ القرآن وعدد الاطفال الي بيتواجدوا فيها كثافة اطفال ماشاء الله
عاليه جدا والتحفيظ عن طريق برامج كامله خلال شهرين يكونوا خاتمين فيها القرآن ...وهناك اهتمام بالامور دي عالي جدا

- من مظاهر المجتمع كمان اننا لا اتذكر اني شفت شاب حاطت " جيل " وواقف في شارع ولا الكلام الفاضي دا ابدا

- البنات.... هناك المشهد الوحيد الي شفناهم فيه كانوا بيزورا المرضي ومعاهم ورد وفي كامل زيهم الاسلامي
واحترامهم يعني احنا مشفناش تقريبا اي منهم بدون حجاب وكانوا بيناموا بكامل لبسهم وحجابهم حتي اذا حصل اي قصف وأصيبوا او استشهدوا يكونوا مستورين

- الاعلانات في الشوراع .. مفيش حاجه اسمها اعلان عن فيلم ولاشامبو ولا .... كلها اعلانات ( حمساوي وفتحاوي و...) وبكتيرها اوي اعلان عن موبيل

- من مظاهر التكافل الرائعه بالمجتمع الغزاوي انك وانت رايح عزاء الشهيد انت مش رايح تعزي ,,انت رايح تهني وتاكل
تمر وتشرب قهوة وتمشي ..وفرحه غير طبيعه بالشهيد وتلاقي ابن الشهيد قاعد مع اي حد وخلاص هيتربي في وسط
أي بيت ومفيش مشاكل

- من أجمل مظاهر التكافل موقف حصل لنا واحنا راكبين السياره ..فأخونا بيرجع بالسياره بظهره خبطت في الي واراها والسياره الي ورانا اتبهدلت وتلاقيه بيقولك خلاص ياخيي اتوكل ع الله حصل خير
((
تخيل الموقف دا لو حصل هنا بنعمل ايه ؟؟ ))

- هناك مفيش بيت إلا وفيه إما مجاهد او شهيـــد أو معتقــل أو مرابط ..ومفيش حاجه اسمها شعب وحرب ..

- من مظاهر التعاون مع المقاومة ..انهم كانوا بيتركوا البيوت بما فيها للمجاهدين للحمايه والمواجهه ولعلمهم انها هتُهدم سواء من العدو او من المقاومة نفسها أثناء المواجهات ورغم ان في بيوت علي مستوي عالي جدا ومع ذلك كانوا بيخرجوا ويتركوها للمقاومين..

- بعض البيوت هناك لنـــاس درجاتهم عاليه جدا " وكيل وزارة ... عضو مجلس تشريعي ...رئيس وزراء .."
وتلاقيها في بساطة شديده ..وأثاث بسيط ..وديكور بسيط وماتحسش انها خاصه بأصحاب هذه المناصب
- هناك تحس وانت في وسطهم بأمان وأمن رهيب ... وتمسك بقيم الاسلام كبيرها وصغيرها ..اتذكر موقف اننا كنا نزلين نصلي الظهر وبعدين نزلنا من السيارة والاخ الي معانا بيقفلها ..فأخونا الغزاوي بيقوله انت بتعمل ايه احنا مش بنقفل سيارتنا ورحنا صلينا ورجعنا والسياره مفتوحه ...
((
كمان تخيل الموقف دا عندنا ))

والله الواحد لو قعد يعدد مظاهر المجتمع مش هنوفيها لكن فعلا هو مجتمع امتداد لعهد الخلفاء ونموذج رائع للمجتع الاسلامي
كل ظاهره فيه وكل تعامل بسيط بيوضح لينا أسباب ووجود غزة في المحنة دي وليه غزة بالتحديد وفلسطين كلها مستهدفه
علي مر التاريخ

** ** **
بعد قضاء الدكتور 12 يوم بأرض غزة ؛هل خطر بذهن حضرتك أفكار جديده لتنميه وتطوير أدائنا وعملنا هنا سواء علي مستوي الفرد او المجتمع ؟

- هو فقط سؤال كان بيدور بذهني ..اننا الوقتي جماعة قائمة علي حفظ الدين والدعوة ..وهؤلاء الناس احنا امتداد ليهم..دول خط مواجهه واحنا وراهم ..فلابد اننا نكون علي نفس المستوي ..لأننا المفروض بنتبع نفس الفكر فــ ليه احنا من زيهم ..الواحد كان بيسأل نفسه ..هل عنده استعداد انه بيته يُهدم في لحظه ويفقد ابناؤه ويٌقتل كل افراد اسرته ..وهو لايصاب بجزع ..هل الواحد جهز نفسه لنظقه زي دي ؟؟هل الواحد فعلا وصل للدرجه الي تخلي ربنا سبحانه وتعالي يصطفيه كشهيد او مجاهد ؟؟

-
النقطه التانيه :: المقترح الي كان بذهني ..اننا نعيش مع اخوانا هذا المعني من الرباط ..اخوانا هناك الواحد منهم
بيقضي 5,7 ساعات في شغله أو دراسته وبقية الــ24 ساعه مرابط ..فــ ليه احنا لانحي معهم هذا المعني من الرباط ؟؟
يعني انا أخلص شغلي وبقية يومي مهموم بالقضية.!! وأكون مرابط طول النهار لقضيتي ودعوتي وديني ..
هو احنا بنعمل ايه اصلا للدعوة ؟؟ يعني صراحة احنا بنقضي مع الدعوة كل يوم ..شيء أقل من القليل ..
لايساوي شيء أمام رباط اخوانا وجهادهم هناك ..فالواحد فعلا شاف انه لازم يعيش المعني دا هنـــا .

** ** **
وراء كل مجـــاهد عظيــم ..مُجَاهِده عظيمــة !! تعليق حضرتك ؟؟

لا تعليق ....!! الحقيقه الواحد مش عارف يقول ايه ؟؟ لكن ربنا يكرمها
زوجتي من البدايه مكنش في اي معارضه او معوقات ..
بل بالعكس كان في دفع وحماس ..وطول الوقت كانت تثبتني دايمــا وتذكرني بدعــاء
"
اللهم اهدي نفسي واخسأ شيطاني واسلل سخيمة قلبي ...."حتي لما أخذنا قرار الرجوع لقيت الرد الي اثلج صدري حقيقة
"
انت خلصت الي وراك ..؟" فيعني ربنا يكرمها ويحفظها ان شاء الله .

** ** **
أروع الموقف الروحانيــه الي عاشها الدكتور ؟؟

أروع الروحانيات كانت في الايام الاولي لينا هناك...احنا كنا نجهش بالبكاء في الصلوات يعني كان شعور طبعا لايوصف ..
بعد كدا احنا لما رحنا مستشفي الشفاء كان في أعداد كبيره جدا من الاطباء ومن الحاجات الجميله انك تلاقي اساتذه
ودكاتره علي مستوي العالم وتخصصاتهم عاليه جدا ونايمين علي الارض والفرش ..وروح حب عاليه جدا بتجمعهم ..
والموقف الروحاني الجميل اوي اننا كنا نصحي قبل الفجر كنا نلاقي كل الناس علي مختلف اجناسها قايمة ..
ونصلي وندعي وكانت الاصوات نفسها الي بتصلي بينا بتشعرك بجو روحاني غير طبيعي وعالي جدا جدا جدا

** ** **
كلمــة يوجههـــا الدكتور للطـــــــلاب ..؟

انا بستغرب اوي من الطالب الي بيقول ((
اننا علي ما أكبر وابقي دكتور علشان ادخل غزة هيكون موضوع غزة انتهي و....))
هي قصه الاسلام وقصه الخلافه مش بس في غزة دا احنا شايفين غزة الوقتي فقط كنموذج واحداثها فرضت نفسها علينا ..لكن في كل بقاع الارض في قضايا أكبر من كدا كمان ..وبعدين المسلم لازم يكون هدفه واضح جدا إما الوقتي او بعد ميلون سنه في النهايه ..هو عايز يرضي ربنا وينال الجنه وفي نفس الوقت ينصر حق عباد الله المستضعفين في الارض فإذا حتي قضية غزة انتهت الوقتي في مائة غزة جايه والقضية بين الحق والباطل قائمة الي يوم القيامة ..فأنت كطالب لازم تكون متفوق في مجالك ومتميز فيه علي اساس لما المكان يحتاج لك ..تقدر تقدم فيه ...ومش بس محتاجين أطباء ....دا احنا محتاجين ((
أطباء ومهندسين وعمال سباكة وبناء وممرضين ...)) فأنت كطالب في اي مجال تقدر تقدم حاجه ..لأ دا انت تقدر تقدم كتير .
...... لكن عد نفسك للجهــاد بعلمك

** ** **
أبرز المعوقات الي واجهتكم في الايام الاولي بعد دخولكم غزة ...؟؟

أبرز العقبات الي واجهتنا مش بس بعد دخولنا ..لأ دا من بداية الرحله كلهــا كانت ::
- النفـــس - الهــــوي - الشيطـــان - التعلق بالدنيا
أوعوا حد يفتكر ان مواجهه العدو دا شيء صعب بالعكس دا اسهل شيء في الموضوع ..لكن اصعب شيء فعلا انك ازاي تتغلب علي هواك ونفسك وتترك تعلقك بالدنيا ..اخونا هناك مش هنقول الدنيا اخر حسابتهم ..لأ دي مش في حسابتهم اصلا ..احنا في اول الايام هناك ...من المناظر والاصابات والجثث الي شفناها ..بدأنا نفكر شكل جدي ..هل حد فينا عمل حسابه أنه يرجع معوق
او فاقد احد اطرافه او .. النقطه دي فعلاوقفنا عندها كتير جدا .. وبدأت نفس الواحد تحدثه انه ..((وأنا ايه الي وداني ؟؟طيب لو قعدت هتكون ظروفي ايه ؟؟ولو رجعت هترجع ازاي ؟؟ و......)) وكان طبعا الواحد يعيش مع تفكيره في كثير من الاوقات ولكن والله الحمد لله شعرنا بتثبيت ربنا لينا ..لأننا بعد الموضوع دا بدأت الاحداث تنصب علينا ..والشغل بيزيد والواحد بيدخل فـــيه ..لدرجه اننا مكنش عندنا فرصه اصلا ان الواحد يفكر في حاحه غير ان كل موقف بتمر بيه بيثبتك اكتر فالحمد لله تغلبنا عــلي النقطه دي ..وبدأنا نشعر بعظم المكان الي احنا موجودين فيه .. وبفضل الله تقريبا لم يعد لهذه العقبات اي مكان في قلب الانسان.

** ** **
بعد الاندماج في جو الرباط والمجاهدين ومعية الله سبحانه وتعالي ...كيف كان قرار العودة ...؟؟

- هو مبدئيا احنا اخدنا القرار لما مهمتنا هناك كأطباء انتهت وحالاتنا كانت حالات بسيطه ..يعني هو المفروض انك بتنقذ المصاب من الموت وبعدين بتبدأ تصلح من كسورةو...)) وكان هناك فريق اطباء فعلا علي خبره عاليه جدا ...وعلي قدر من تحمل المسؤليه كمان عالي اوي ...فتواجدنا هناك كان ظروف استثنائية وانتهائها كان أهل غزة أقدر علي تولي شؤنهم
لأنهم بلاشك الاعلم بيها ..وبيتبعوا من النظام والتدبير مايجعلهم قادرين علي ان يكفلوا أنفسهم ..

-
النقطه التانيه ان الواحد خاف علي نفسه من الفتنه بعد كدا يعني محدش يعرف الظروف شكلها ايه وحتي بعد كدا اذا قررت
عدم الرجوع فممكن متعرفش ترجع ..فبدأ الواحد يوازن بين الامور ولقينا اننا فعلا ورانا مهمه كمان كبيره اوي هنا وفي المكان
الي ربنا أوجدنا فيه وأوجد أخوانا هناك فيه ...كل واحد مننا عنده مهمه ربنا سخره ليها هو أقدر انه يؤديها علي أكمل
وجهه من أي فرد اخر ....ومايجب علينا في كلتا الحالتين هو الاخلاص الشديد لله والمطلوب مننا اننا
نثبت هنا الاول في مكانا وبعدين نثبت هناك .

** ** **
مـــاذا اضافت الــ12 يومـــا في حيـــاة د/ ميســـرة ..........؟؟

- الواحد استشعر معيه الله بجد يعني احنا عشنا ايام شفنا فيها العديد من الشواهد الي بتبين مدي توفيق ربنا لينا وان فعلا
الامور باذن الله ستسير لكن ازاي احنا مكناش عارفين ؟ لمسنا تثبيت ربنا لقلوبنا في كل لحظه من بداية تفكيرنا في الموضوع الي رجوعنا ...وازاي ان الواحد فعلا لو صدق ربنا وأخلص نيته لله ربنا عمره مابيخذله لأن قدرته أعلي من كل شيء

- الفتره الي أنا قضتها هناك بفضل الله أكتسبت خبره كبيره جدا يعني اعتقد الواحد لو كان خدها هنا كان ممكن ياخدها في 4 , 5 شهور والحمد لله ربنا أكرمنا وقدرنا نقدم شيء
طبعا كل دا بعيدا عن كل الي اضافته الايام دي في شخصيه الانسان في كل جوانبها والي باذن الله سيترسخ ولن يضيع

** ** **
بالفتره الي حضرتك قضتها في غزة وخاصة في مستشفي الشفاء اختلط بالمجاهدين والمرابطين والصامدين من أهل غزة فلو حضرتك تكلمنا عن كرامات المجاهدين والصامدين بأرض غزة ؟؟

الحقيقة طول الفتره الي قضيناها هناك كان الواحد كل يوم بيشوف آية من آيات الله سبحانه وتعالي ...بتحيي في نفسك شعورك
انك فعلا علي ارض الرباط وانك وسط اشخاص صدق فيهم قول النبي صلي الله عليه وسلم "
لَا تَزَالُ طَائِفَةٌ مِنْ أُمَّتِي عَلَى الْحَقِّ ظَاهِرِينَ لَعَدُوِّهِمْ قَاهِرِينَ لَا يَضُرُّهُمْ مَنْ خَالَفَهُمْ إِلَّا مَا أَصَابَهُمْ مِنْ لَأْوَاءَ حَتَّى يَأْتِيَهُمْ أَمْرُ اللَّهِ وَهُمْ كَذَلِكَ". قَالُوا: يَا رَسُولَ اللَّهِ، وَأَيْنَ هُمْ؟ قَالَ: "بِبَيْتِ الْمَقْدِسِ وَأَكْنَافِ بَيْتِ الْمَقْدِسِ "
ومن اول الايات الي لحظناها عند اول دخلولنا للمشفي ..

** اننا كنا بنعرف الشهيد او المجاهد من المصاب العادي ..بمجرد دخوله علينا ..وقبل مانعرف عنه اي معلومات ..
والله كنا نري النور في وجوههم ..بغض النظر طبعا عن نوع اصاباتهم وأمنياتهم وغيرة ...!!

** لا أتذكر ابدا اني سمعت مره واحده صرخات الم من اي منهم وكان بيدخل علينا اصابات رهيبه وغير طبيعه ومع ذلك
ماتسمع صوت ألم من المجاهدين والمصابين غير مثلا بعدها بثلاث ايام وهو بيبدل علي الجرح .... والله فعلا كنا
بنستشعر حنان ربنا سبحانه وتعالي وانه بيلمس بيد الرحمة علي جراحهم ..لدرجه اننا احيانا من صعوبة وبشاعه المناظر ..
لانستطيع الثبات ..وكانوا هم الي يثبتونا ...اتذكر موقف كنا وصلنا فيه لدرجه صعبه جدا من كثرة المناظر الي شفناها
وبعدين في أخ من اخوانا هناك ::
بيقولنا مالكم ..في ايه ؟؟
قلناله :: الاوضاع قاسيه والشهداء والنساء والاطفال ...
قالنا :: يا اخي قتلانا في الجنه وقتلاهم في النار !!
قلناله
طيب والجرحي والاصابات والامكانيات ؟؟
قالنا :: يا اخي ما انتوا بتساعدونا وان شاء الله بتتدبر..!!
قلناله طيب والمنازل والدمار والمدارس و...
قالي :: يااخي الي بناها يبنيها تاني ..!! يا اخي عادي اثبتوا .... وان شاء الله النصـر عن قريب ...بس احنا نصبر ..!!

طبعا احنا كدا بنتكلم عن المواطنين العادين جدا الي انت ممكن تقابل منهم اي حد في اي مكان ....
فما بالكم بالمجاهدين والمرابطين ؟؟ الحمد لله ربنا يسرلنا وقدرلنا هناك اننا نجتمع مع بعض المجاهدين
ونتكلم معاهم ونسمع منهم ...!! طبعا مواقف تأييد ربنا سبحانه وتعالي لهم ...أكبر من ان عقولنا الصغيره تستوعبها ..!!
من بدايه الضباب الي كان بيحجبهم عن الجنود في معاركهم ..للكلب الي كان بيدخل يبحث عن المجاهدين ويقولوا له " ارجع فنحن جند الله " فيرجع الكلب ...للمجاهد الي كان بيواجه 50 دبابه لوحده ويهزمهم ... للرؤي الي كان المجاهدين بيشوفوها ...
للأم الي تدخل تتفقد ابنها الشهيد فترافقها سحابه وضباب حتي تدخل وتعود به دون ان يمسها ضرر ... !!
الكلام دا ياجماعه احنا اخدنا من افواه المجاهدين نفسهم لما قعدنا واتكمنا معاهم ..!!اما عننا لما كنا في مستشفي الشفاء وكان بيدخل لنا مصابين مجاهدين ونبدأ في العمليات وهما تحت تأثير البنج ((
احنا هنا الي بيتكلم وهو في البنج بنقول عليه بيخرف )) دول كان كل كلامهم في البنج قـرآن وأذكـار ودعـاء كان الواحد منهم يسمع الاذان وهو في البنج !! ويقول لنا وقفوا خلونا نصلي ...طبعا الحاجات دي معظمها متصور فيديو وان شاء الله بتشوفوها معانا ...!!

ملحوظـــة ::
(( بالفعل رأينا الفيديوهات وشاهدنا اثناء تواجدنا مع الطبيب ويتم الان تعديلها
وعمل مونتاج لها لتكون جاهزة لعرضها عليكم باذن الله هنا في صفحات المدونة ))

** ** **
دكتور ميسرة ..احنا بنشكر حضرتك جدا علي الوقت الي حضرتك سمحتلنا بيه وعلي المعني الرائع الي حضرتك نقلتهلنا ونسأل الله سبحانه وتعالي ان يتقبـــل منكم وان يرزقكم الاخلاص والتقـــوي ويكتب لنا جميعا رباطا علي ارض غزة وصلاه في أكناف المسجد الاقصي واستشهادا في سيبل الله لتحريرهما ... جزاكم الله خيــرا كثيــرا ..وجعله الله في ميزان حسناتكم اللهـــم آمين .... اللهم آميـــــن
** ** **

قـــام بالحــــوار ::
Rima Alqsamia
بنقـــابة العلميــــن بالدقهــــلية
أختــ
Rima ـــكم

** ** **
هنـــا تجدون ملف الحوار كاملا مع كامل النسيقات
للتحميل [...اضغط هنــــا ...]
** ** **
ولاتنســـونا من صالح دعائــــــــــــكم
ولاتنســــــــــوا اخوانكم بغــــــــــزة من الدعــــــــاء
وصلوا علي اشـــــرف الخلق محمد صلي الله عليه وسلم



الثلاثاء، 9 ديسمبر 2008

ويمضي الــــزمــان وانتِ عـــشق قلبي


السلام عليكم ورحمة الله وبركاته
منورينن ، وفى الجنه متجمعين ، وعند الحبيب المصطفى متواعدين ،، ولوجه ربنا بالغداوة والعشى ناظرين ،، قولوا آآمين
كل عـــــــــــــام وانتم طيبيـــن .
. . .
مرينا بأيام رائـــعه ونفحات عظيمة ولحظات استشعرنا فيها قرب ربنا وخاصه بيوم عــرفة ,,,فرحت اوي لما لقيت عدد كبير اوي ماشاء الله بدأ في صوم العشر الاوائل كامله وفرحت بالاجواء الي الناس كانت عيشاها في الايام دي وماكناش بنشوفها في السنوات الي فاتت غير علي مستوي بسيط اوي فرحت لما شفت الشباب والبنات بيشجعوا بعض وبيعنوا بعض .... لكن . . . .زعلت جدا واتحسرت وحرق في نفسي اوي حاجه واحده يمكن من قبل العشر الاوائل لكن كان حصري ليها في الفتره دي كبير اوي ... لما نكون قاعدين ونيجي نمشي وأقولهم ياجماعه ادعوا لغـــزة كتــــــير .....! وأفاجئ إما بالصمت وإما بنظرات تعجب ... وبعدين بيكون السؤال المعتاد ...

آلا هوا صحيح غـــزة مالها ..احنا نعرف اه ان اسرائيل محصراها وكدا بس ايه الجديد يعني ماهي طول عمرها كدا ؟

* * * * *
يـــاااااااااااااه علي أد ما السؤال صعب ع الواحد انه يسمعه اوي لكن بنمسك اعصابنا وبنتكلم وبنشرح : : : :
أد ايه صعب ع الواحد يشوف حد قدامه بيتعذب ويقف ساكت فمابلكم ببلد بحاله قدام عنينا بيموت واحنا مش قادرين نقدمله حاجه ..
غزة مش بتعاني من مجرد حصار ولامجرد شوية يهود كل يوم بيدمروا فيها مكان
غزة بتعاني المـــــــوت ..الموت البـ ـ ـ ـطـ ـ ـ ـيء

غـــــزة.... الي لأسبوعها السادس تقريبا مقطوع عنها الوقود والمياه والكهرباء
غـــــزة ...الي مستشفياتها معدش فيها أدوية معدش فيها غير مرضي معروضين لتمكن المرض منهم و فقد حياتهم في اي وقت معدش فيها غير اطفال حتي الحليب مش لقينه ...
غـــزة....
الي فيها الناس معدتش لاقيه حاجه تكلها فقاموا طحنوا علف المواشي علشان يقدروا ياكلوا
غــــزة ... الي نسيت اللحوم وصار أكلها كله زعتروقمح البهائم المطحون .
غــــزة ...الي اتقفل فيها حوالي 40 مخبز من جمله 47 .
غـــزة ..الي الالاف الداوجن في مزارعها اتعدمت لأن مفيش قوه تشغلها ولا طعام ليها . حتي مخازن وكالات الغوث الي 90% من أهل غــــزة بيعتمد عليها خلااااص فضيت من كل حاجه .


وللاسف حصار غــزة معدش بس من اسرائيل ..!!
غـــزة حاليا تحت عــــدوان ثـــلاثـــــي ؟
طـــيب تعالـــي نفهمهــــــا ...!!
الطرف الاول للعدوان ...دا أكيد اسرائيل بكــل الاعمال الي بتقيمها علي ارض غـــزة والي اترتب عليها كل الي حكيناه فوق
والطرف التاني..
هيه الاجهزة الامنيه في رام الله الي بتعتقل كل يوم مئات القادة وكوادر حماس بالضفه ولسا بتستعد علشان تعلن عدم شرعيه البرلمان الي حماس بتسيطر عليه بأنها تجري انخابات برلمانيه ورئاسيه جديده ..

والطرف التالت بالعدوان ..خلونا نقول الدول العربيه وعلي رأسها (( مصــــر)) ولأول مره بخجل وانا بكتب " مصــــر "
مصــر... الي ماشاء الله ماتتوصاش بكميه الرسايل التحذيريه لحمــاس لأيقاف الصواريخ وبتحمل حمـــاس ضياع فرصه الحوار الوطني بالفتره الاخيره ونازله تهديد بقادة حمــــــاس , "وابو الغيط " بدل مايطلع يدين الحصار طالع يهدد الشعب الفلسطيني ويحذرهم من ان اي واحد هيتعدي حدود او معابر مصر بالقوه " سوف يلقي مالايرضيه " ..(( بالله عليك ياراجل.. كسفتنا )) بس ع العموم بيفضل التصريح دا احسن من تصريحه الاولاني " ان اي حد يعبر الحدود تطقطع رجليه " ..!!!
مصـــــــر ... الي قافله معبر رفح ..الي كل مشاكل الشعب الفلسطيني هتتحل ان شاء الله بفتحه ..حد يقدر يقولي ليه لحد الوقتي مصر مش قادره تفتحه وهوا سيادة مصريه 100 % وتنقذ غــــزة وتفتح الفرصه للحجاج انهم يأدوا مناسك الحج ...اعطوني سبب واحد انوا يكون مقفول . . . ودي بلد اسلامي عربي

مصــــر ...الي المتحكمين بتوعها بيدمروا كل الانفاق بحجه ان الانفاق الي بتودي بتجيب ..آل ايه غــــزة بتجبلنا سلاح ..(( هه ))...!!

مصـــر... الي شيخ الازهر بتاعنا طالع يسلم علي" بيريز "بأديه الاتنين ..يلا ماهي مش بعيده عليه اذا كان خادم الحرمين بيشرب كاس مع بوش ..قليله عليك ياشيخ !



مصــر... الي تطلع فيها جريدة الاهرام ورئيس تحريرها " أسامه سرايا " ويشنوا حرب علي حماس ويتخلقوا روايات وأكاذيب وينشروها ومقتبسنها من فضائيه فلسطين " الي طبعا مش لازم نتكلم عنها " وبدون اي تدقيق في المحتوي ..وفي الاخر تعطي لقادة حمــــاس درس في عدم المزج بين الدين والسياسيه .....وحماس تطالبها بالاعتزار ولكن طبعا لاحياة لمن تنادي .....!


مصـــر ..الي لازالت بتصدر الغاز لأسرائيل وقطعاه عن اخوانا في غـــزة ...
مصر.. وبكل صــــــراحه هي سبب معاناه غـــــزة الحقيقه


(( علشان كدا يامصــــــــر ....غـــــــزة لن تسامحكِ ))

وكان دا العدوان الثلاثي القائم حاليا علي غـــــزة وياريتها كانت غــــزة وبس ..!!
في أخوانا بالخليل . . .والي
تم سحب سلاح المقاومة فيها ....وتهديم بيوت الفلسطنين واخراجهم منها بالقوة للمستوطنين,,,,ومجلس الامن يدين " شفويا" (( كفايه عليه )) وواشنطن كمان ترفض الادانه

وأخوانا بالضفه ...الي تم فيها 45 عمليه توغل خلال الاسبوع الماضي فقط

*** ***

هــــوا دا حال اخونا ..الي للاسف غاب عن كتير جدا من شبابنا . . .


(( احساسك بغـــــــــــزة فيـــــــن ))
احساسك بغـــزة هيبان وانت بتكلم صحابك و بتنشر قضيتهم ..
احساسك بغــزة هيبان في منتج هتقاطعه ....
احساسك بغــزة هيبان في كل سجده بتسجدها وتدعلهم ...
احساسك بغزه هيبان في ركعتين قضاء حاجه في نص الليل ليهم ...
احساسك بغزة هيبان وانت قاعده قدام التلفزيون وبتسمع اخبارهم وبعدين تقلب ع فيلم او مسلسل ..
احساسك بغزة هيبان وانت قاعد ع الكمبيوتر وبتكانسل لينك في اخبارهم ...
احساسك بغـــــزة هيبان في شعورك ان كل ذنب ليك وتقصير ليك هوا سبب تأخر نصرهم ...

احساسك بغـــزة هيبان وانت بتاكل لقمه حلوه وبتلبس احلي لبس وتفتكر اخوانك الي بياكلوا طحين العلف وتقوم تدعيلهم ...
احساسك بغـــــزة هيبان في مبلغ هتحرم نفسك منه وتقدمهلم مسانده لأخوانك ...
احساسك بغــزة هيبان لما تحط راسك ع علشان تنام وتتغطي من البرد وتفتكر اخوانك الي مش لاقين مكان اصلا يناموا فيه ...
أخيرا احساسك هيبان وانت صاحي وأول ما تفتح عنيك وتفتكر ان غيرك بيفتح عنيه علي صوت صاروخ ولاقذف ..
احساسك لما تتمني من قلبك بجد وتدعي ربنا انك تكون معاهم ومستعد تقدملهم أي شيء !

شــــــــوف بــأه احساسك بأخوانك وصل لأي حـــــــد !!!

* * * * * * * * * * * *

انتهيت . . . ولكن قبل ان ارحل ::


اخواني في غـــــزة ..كل عام وانتــــــم أعزة أحرار صامدين في وجهه الحصار
يكفيكم عـــــزة وفخرا فقد اصطفاكم الله ..
(( ولاتهنوا ولاتحزنوا وانتم الاعلــــــــــون ))

لن اقول لكم عبــارات الصبر والصمود
فوالله لقد تعلمناه منكم ..حين رأيت الصبر في عيونكم رغم لمعه الالم بها رأيت الامل... رأيت الثقه في نصر الله ..رأيت المقاومة والعــــــزة والتكمين علمتمونا كيف نكون أحرار بعزنا وايماننا علمتمونا معني الكبريـــــــاء ...زرعتم بداخلنا حب الجهـــــــاد والاستشهـــــاد ...
فتظل قلوبنا تنتشل الامل من عيونكم
فأنتم ...أملنا ...ولا يضيركم من خذلكم من أخوة العرب والاسلام
(( ولاتحسبن الله غافلا عمـــــا يفعل الظالمــــــــون ))
فان الله قـــد وعدكم النصـــــر ولن يخلف الله وعــــده
.....واشتـــــــــدي أزمـــــــة تنفرجـــــــــــــي .....
موعدكم يناير المقبل 2009 حين انتهاء ولايه عبـــــــاس
فوالله ان الضغـــــــــط ليولد الانفجــــــــــار
وان كانوا قد تخاذلوا فوالله نحن لن نخذلكم أبدا
وسيذكرونهم في مزبلة التــــــــــاريخ وان الله ليمهل ولايهمــــــل
انتم علي ثـــــــغـــرة من ثغـــــــور الاسلام فاصبروا وصابروا فانكم غالبــــون باذن الله
. كل عـــــــــام وانتم في نصــــر وتمكين
.
وستظــــــل قلوبنـــــا معكم ...تقتصر فقط علي حبـــــكم
. .
ولطالما فينا قلب ينبض لن ننساكم من صالح دعائنا
. .
غــــــــــــزة ..متي اللقـــــــــاء اشتقت كثيــــــــرا اليـــكِ وسأظــــل انتظــــــــــرك
. .
لاتنسوهم ..ولانسوني من صالح دعائكم
تقبل الله منــــا ومنكم صالح الاعمـال
أختـــــ Rima ـــــكم
Rima Alqsamia







الأحد، 14 سبتمبر 2008

قوافل وضيوف . . . . . .

السلام عليكم ورحمة الله وبركاته



أعتذر لكم عن عدم تنسيق هذا البوست بالشكل المطلوب لصعوبة التحكم
بالتسيقات ومشاكل الشبكة لدي



البوست مقّسم الي مجموعتين ::


الاولي ... مع ضيفنا حماس الثانية ... مع البـــــوم صور القافله



وبامكانكم تحميل ملف القسم الاول الخاص باخونا حماس مع التنسيقات



من هنـــــــا " رحلتي الي رفح"



وجزاكم الله خير الجزاء ....
وانرتمونا باطلالتكم علينا



ولا تنسونا من صالح دعائكم



ــــــــــــــــــــــــــــــــــــــــــــــــ

السلام عليكم ورحمة الله وبركاته

منورينن ، وفى الجنه متجمعين ، وعند الحبيب المصطفى متواعدين ،،

ولوجه ربنا بالغداوة والعشى ناظرين ،، قولوا آآمين

نقول حمدلله ع سلامة كل مجاهدينا بالقوافل المصرية

بحملة كسر الحصار عن غزة

وبعتذر جدا للجميع لعدم تغطيتي الموضوع ع المدونة في وقته تمام لكن للاسف الظروف كانت صعبه جدا ويوم10

رمضان من أصعب الايام الي مرت بالواحد فعلا وكان صعب علينا جدا نغطي

ع المدونات لأن كانت بتوصلنا اخبار كتير مشوشه وغير صحيحه وكا بيلزمنا

وقت لنتاكد من الاخبار دا غير المتابعه من مواقع كتير جدا لكن الحمد لله

غطينا تمام ع الايميلات وبعض المواقع الحمد لله لكن طبعا مش هنعدي الموضوع ع المدونة كدا لازم تاخد حقها

يعني..؟ "..."

يعني هنعمل تغطية كمان ...!

والله تغطيه ..!! ".."الموضوع خلص خلاص ياست ريما

اها ما انا عارفه ودي احسن حاجه علشان نعمل تغطيه من نوع خاص

والتغطيه دي كانت لازم تكون بعد ما الموضوع يخلص البوست النهارده الي

هيتكلم فيه هوا اخ من الي كانوا في القافله والي وصلوا للرفح وهيحكلنا

عن كووووول تفاصيل الرحله بتاعتهم

ودلوقتي ننقل المايك لأخونا " حمـــــاس "

ونرجعلكم بعديها ان شاء الله ...

اتفضل يافندم .." بسم الله ...."

"حماس " :

السلام عليكم ورحمة الله وبركاته

انا رايح غزة المرة دى بقى بجد .. مش زى كل مرة وارجع من عند كوبرى السلام

اتفقنا انا و قساميون و حسام يحيي ان نذهب سويا وبما ان القافلة ستكون فى تمام

السادسة صباح الاربعاء .. قررنا ان نغادر المنصورة بعد صلاة التروايح يوم الثلاثاء حتى

تكون المواصلات سهلة وبالفعل جاء حسام وانتظرنا قساميون كثيرا وانطلقنا الى

الاتوبيس الدولى وكانت بداية مبشرة حيث كان الاتوبيس الدولى شطب ولا توجد

اتوبيسات .. ذهبنا الى الشارع الذى بجوار موقف الاتوبيس فوجدنا ميكروباص طالع

القاهرة وواقف على 3 افراد .. يعنى عددنابالظبط ومن اول هنا بدأ التوفيق الربانى

يصاحبنا فى رحلتنا .. ركبنا الميكروباص قاسميون ورا وانا وحسام قدامه .. وطبعا اخوكم

حظه جااااامد دايما ... بعد ان انطلقنا الساعة 10.10 بالظبط .. تحسست فاذا مسند

الكرسى مكسور خالص وهذا يعنى انا سأظل طول الرحلة دون انا اسند او انام او اى

شئ من الراحة .. المهم فضلنا فى الميكوباص نتكلم انا وحسام مع بعض الى ان

وصلنا الى القاهرة فى تمام الساعة الثانية عشر ليلا وقابلنا فى رمسيس عبد الهادى

وده جاى عشان صاحب حسام وهو داخل حاليا اولى ثانوى يعنى صغير حبتين بس ما

شاء الله كان عسول اوى .. دلوقتى احنا قدامنا حوالى 6 ساعات على ما القافلة تطلع

من قدام نقابة الصحفيين .. قلنا نتمشى لحد نقابة الصحفيين نشوف الوضع هناك ايه

واهوه معانا وقت كتير يعنى

ــــــــــــ

بدأنا نتمشى مع بعض كتييير وطبعا كنا بنسأل كل شوية فين شارع عبد الخالق ثروت

وفين نقابة الصحفيين والحمد لله بتوع القاهرة دول جدعان اوى .. مينفعش حد يقولك

معرفش .. كل الناس عارفة كل حاجة فى الدنيا .. بعد مشقة فى السير وصلنا الى

النقابة كان قدامها بعض عربيات الامن الزرقا الكبيرة حوالى5 .. كملنا مشى الى ان

وصلنا عند محطة الاتوبيس قعدنا هناك شوية وكانت المهمة التالية ان نشترى سحور .. قمت انا وحسام ندور على اى محل نشترى من عنده سحور .. بعد غياب حوالى

نصف ساعة رجعنا للرجالة تانى وخدناهم ومعانا سحورنا ورحنا عند مبنى الاذاعة

والتلفزيون وقعدنا على الكورنيش وبدأنا نتسحر والحمد لله خلصنا سحور وشربنا شاى

واتعرفنا ومشينا الى مسجد بجوار نقابة الصحفيين .. اتوضينا وصلينا الفجر وتركنا

المسجد لانه ممنوع النوم فى المسجد .. عدينا على نقابة الصحفيين بعد الفجر

بشوية على الساعة 5.10 كده كان فى بعض الشباب هناك ومفيش اى امن او

مضايقات امنية يعنى .. قعدنا بعيد شوية وبعدين قررنا التوجه الى النقابة وانطلقنا الى

هناك ووقفنا مع الشباب اللى كانوا هناك ومن هنا كانت اول ملاحظاتى على الرحلة

لانى وجدت فى الحاضرين مناظر غريبة من تبرج و اختلاط طبعا واشكال كده غريبة

كانهم طالعين دريم بارك مثلا او حاجة .. اتضح لى انهم من حركة شباب 6 ابريل ومن

حركة كفاية و كل ما يشغلهم ان يخوضوا تلك التجربة الاعلامية فقط كما كان هناك

تواجد كبير لحزب العمل . قعدنا على الرصيف انا والرجالة اللى معايا فى انتظار

الانطلاق وبعد مدة طالت بعض الشئ جاء اتوبيس كبير و 3 صغيرين كده وبدأ الركوب ..

اختارنا ان نركب الاتوبيس الكبير وركبنا حوالى الساعة 7.30 بالفعل ولكن حسام نزل

وقرر ان يركب باص المدونين ويتركنا وبالفعل حدث هذا

ــــــــــــــــــ

بداية الرحلة الى الاسماعيلية

انطلقنا وبدأ احد الركاب التحدث عن الاندلس وامجادها الى ان استغرقت فى النوم

وبعدها تم توزيع بيان بالمطالبة بفك الحصار لنوقع عليه جميعا وتم التوقيع ثم حدث ان

توقفنا فى نقطة مرور الاسماعيلية وتم سحب الرخص من السائقين جميعا وبعد

مفاوضات اخذنا 3 رخص وبقيت رخصة واحدة لدى الامن وفجأة جاء احد الذين نزلوا

ليتفاوضوا مع الامن وقال عايزين شباب ينزلوا .. نزل 10 شباب وبدأ الاشتباك مع الامن

وبدأت الهتافات تعلو ( يسقط يسقط حسنى مبارك ) و ( يا مبارك يا عميل ... ) وما الى

ذلك من هتافات غريبة جدا منها ( لسه فيكى كلاب يا مصر ) ( يا تكية .. يا وسية .. يا

يا يا...) ونزل جميع من فى القافلة وبدأ الهتاف يعلو وبدأوا فى اغلاق الطريق الدولى

بين القاهرة الاسماعيلية وما كان واضحا بشدة هو تضارب الاراء وعدم وجود قيادة

سياسية موحدة وكل واحد ماشى بدماغه .. اقفل الطريق .. افتح الطريق .. اضرب

الامن .. ناموا على الارض فى وسط الطريق ..كل هذا وهرج ومرج شديد فى المكان

وجاء طلعت السادات الذى كان عابرا فى طريقه الى بورسعيد ونزل ليرى ما يحدث وبدأ

يتكلم معنا وانه لا داعى للعنف وما الى ذلك وظل يتحدث معى شخصيا انا و قساميون

لمدة ثم انصرف وبدأ التشاور وظهر اربعة اراء وهى كالاتى

: 1- الاعتصام على جانبى الطريق دون اى عنف

2- الاعتصام مع اغلاق الطريق الدولى كنوع من الضغط

3- مسيرة الى الامام 2 ك نحو موقف الاسماعيلية

والاتوبيس يمشى بجوارنا 4- العودة الى القاهرة

واخذوا الشورى والاغلبية اختاروا القرار رقم 3 وطبعا لم اوافق على هذا القرار الذى ارى

انه قرار غبى للغاية ولن نجنى سوى ارهاق انفسنا وفقط ولكن انطلق الشباب الى

الامام دون ان يخطروا سائق الاتوبيس فذهبت لاخبره فقال لى ( لهو انا طالع مارثون ..

انا واقف هنا ومش متحرك ) و كان ممن سار مع الشباب الى الامام مجدى حسين

القيادى بحزب العمل و بدأت انا ومن معى التحاور مع من بقى من الناس الكبار فى

خحطأ هذا القرار الاهوج الذى لن نجنى منه الا مزيدا من الارهاق حتى جاءنا مجدى

حسين مرة اخرى عائدا وقرر ان القافلة ستعود ومن يريد ان يكمل الرحلة وحده

فليكملها مواصلات مع نفسه حتى نلتقى .. سألته واين نلتقى ؟؟ قال لى ( نسير

طالما الطريق امامنا مفتوح ان شا الله نتقابل فى غزة وانا اصلا اتبع مبدأ غاندى ان

اصغر مخبر يجى لى اديله وشى عشان يضربى .. اضرب كمان مفيش اى مشاكل

وكمان ادور له خدى التانى لو عايز ) فشاورت لعربية ربع نقل ووقفت وركبت انا

وقساميون وعبد الهادى وحسام وكمان كام واحد كده ونزل السواق ليتفق على الاجر

فاختلفوا فى الاجر فنزل جميع من ركب ولم يتبقى سوى 3 افراد انا و قساميون و عبد

الهادى فقط وفضلنا فى العربية حتى وصلنا موقف الاسماعيلية حوالى الساعة 1.30

ثم صلينا الظهر والعصر ونمنا نستريح على النجيلة و اتصلنا بقافلة الاخوان المنطلقة من

المنصورة لنرى متى سيصلوا فعلمنا ان امامهم الى الساعة 3.00 حتى يتحركوا من

المنصورة فاصبحنا امام خيارين لا ثالث لهم 1- العودة الى المنصورة 2- انتظار القافلة

القادمة من المنصورة واخيرا جاء الوحى الربانى من السماء ان نركب ونذهب الى

العريش دون ان نعرف لمن نذهب او الى اين نتجه وبالفعل ركبنا ميكروباص الى العريش ــــــــــــــــــــــــ

الى العـــــــــــــريش

بدأنا رحلة العريش كما ذكرت بالهام من عند الله ليس اكثر دون ان نخطط لمقابلة اى

شخص هناك .. وركبت انا بجوار عبد الهادى وجلس قساميون فى الخلف و فهمت عبد

الهادى لو حد سأله هيقول ايه و جهزت ردى الذى سأقوله اذاما سألنى احد الى اين

اتجه وانطلقنا الى المعدية رقم 6 لنعبر القناة وهنا كان اول كمين واخرجنا البطاقات

الشخصية ونظر ضابط الكمين الى السائق سائلا ماذا جاء به من هنا ولما لم يذهب

من المعدية الاخرى او من كوبرى السلام فرد السائق يفيد انه يوجد لبش فى المنطقة

هناك عشان الناس اللى جايين رايحين غزة دول .. وبمنتهى البراءة سألت الذى

بجوارى ناس مين دول ؟؟.. اجابنى دى ناس جايه فى قافلة عايزين يوصلوا لحد المعبر

.. ابقى قابلنى لو حد فيهم وصل .. وقام مباغتنى بسؤال فجأة وانت رايح العريش ليه

؟.. قلت له ده انا رايح افطر عند خالتى وبعدين بكرة الصبح رايح اسأل عن امكانية

التحويل لهندسة العريش لان بيقولوا ان مستواها كويس .. قالى اه فعلا .. المهم

لاحظت على جانب الطريق يفط العريش 165 كيلو .. وهنا وقفت مع نفسى افكر ماذا

سنفعل فى العريش والطريق طلع طويل بجد مش زى ما انا كنت فاكر .. واخيرا بعد

تفكير طويل قررت ان ادع الامر لله وان الله لن يضيعنا ان شاء الله .. نمت شوية لاصحو

عند الكمين الثانى ( كمين المثلث ) وحقيقة بدأ الخوف يتسلل الى قلبى ولكن الله

سلم ولم يحدث شيئا وبدأ الركاب يقولون ان الكمين القادم سهل لكن الذى يليه هو

اصعب كمين على الاطلاق يصل لحد التفتيش الشخصى لجميع الركاب وهنا بدأت

اتحدث الى عبد الهادى لاهون ما سمعناه فاخبرته ان وحسام ينزل من السيارة الربع

نقل تذكرت موقف سيدنا نوح حينما قال لابنه يا بنى اركب معنا فضحك عبد الهادى

وقال معاك حق .. وهكذا ظللت انظر الى الجمال على جانب الطريق فبصراحة منظرهم

اكثر من راااااااائع حتى وصلنا الكمين الثالث ( كمين بالوظة ) ايضا كالمعتاد اخرجنا

البطايق فوجدنا الضابط يقول شوف كده فيهم حد مجدى حسين !!! لاكتشف ان الامن

المصرى لا يعرف اصلا شكل مجدى حسين .. تعجبت كثيرا ولكن كان هذا الامر فى

صالحنا لانه لم يسأل احد من ثلاثتنا ابه اللى جابكم من الدقهلية .. واصبحنا الان فى

طريقنا للكمين الرابع ( كمين الميدان ) الذى يقع خلف العريش بحاجة بسيطة حوالى

25 كيلو وظل لسانى يردد سلم يارب .. استر يارب .. حتى وصلنا الى هذا الكمين ..

فوجدت انهم ايضا لا يركزوا على شئ سوى على مجدى احمد حسين ولكن هذه

المرة فتحوا باب السيارة ونظروا الينا فردا فردا و لا اخفيكم فانا عملت نفسى قايم من

النوم وبتاوب كمان وبهرش فى راسى و سبكت الموضوع على الاخر والحمد لله عدينا

من الكمين ده بسلااااام

ـــــــــــــــــــــــــ

فى العريش

وصلنا الى العريش قبل اذان المغرب بحوالى 10 دقائق فقلت

لهم بقى استنوا انا هكلم واحد صاحبى " قسما سأنتصر "

وبحثت عن رقمه فلم اجده وبعد عدة اتصالات باصحابى لاجد

رقمه لكن دون جدوى .. الى ان جاء الوحى الالهى ان اكلم

الواد الجغرافى جايز يكون عارفه وبالفعل وجدت رقمه مع

الجغرافى فكلمته والحقيقة الراجل ابدى فرحه الشديد بوصولى

الى العريش وقال لى اركب تاكسى وانزل مسجد الرفاعى

ووصلنا احنا التلاتة الى المسجد واستقبلنا بحرارة شديدة

وحمد لله على سلامتكم وقبل ما اصلى لقيته بيقولى عارف

مين اللى هنا فى العريش قلت له مين ؟ .. قالى مجدى

حسين ومعاه 15 واحد .. قلت له .. مش ممكن عدى ازاى ده

.. كل الاكمنة بتدور عليه .. قالى مش هتصدق عمل نفسه

نايم والحمد لله محدش صحاه خالص .. المهم صلينا ودخلنا

المطعم فى الاوضة الخصوصى لقينا مجدى حسين قاعد ومعاه

15 واحد منهم 3 بنات و دكتورة و الباقى شباب منهم الاتنين

الاردنين اللى كانوا معانا فى الاول .. وهنا رحب بنا مجدى

حسين وجميع الحاضرون الذى كان معظمهم من حزب العمل

وابدوا اعجابهم بنا على جرأتنا واننا استطعنا الوصول وسألوا

لماذا وصلنا بعدهم بالرغم من انطلاقنا قبل منهم فاجبناهم

باننا استرحنا قليلا فى الاسماعيلية .. وجلسنا لنفطر " كباب

وكفتة وفراخ و... و ... "كل ده على حساب مجدى حسين

وكمان فى من البنات جابوا لنا حاجة ساقعة والحمد لله

اتظبطنا على الاخر لكن اخى قسما سانتصر لم يستطيع الاكل

لانشغاله مع الحاضرين .. ربنا يكرمه يارب .. المهم خلصنا وقالوا

لنا ان احنا هنروح نستريح فى شاليه على البحر وانطلقنا كل

4 مع بعض الى الشاليه

ـــــــــــــــــــــــــــــــــ


فى الشاليــــــــــه

وعند وصولنا الى الشاليه المكون من دورين كل دور شقتين

وقفنا معا امام البحر لنسمع صوت الامواج ونرى الصخور والماء

فى لحظة رائعة مع الطبيعة الخلابة وبدأنا نفكر ماذا سنفعل

ووجدت قساميون يخبرنا انا وعبد الهادى ان عندما نزل حسام

من السيارة تذكر موقف سيدنا نوح وهو يخاطب ابنه سبحان

الله نفس التفكيير بالظبط .. المهم تحدثت الى احد الاخوة فى

غزة الذى اجابنى قائلا تعالوا انتوا عند المعبر واحنا بنتصرف

المهم قررنا ان احنا نصلى العشا ونروح لرفح مع اعز الاصدقاء

"قسما سأنتصر " ونترك مجدى حسين ومن معه ولكن ذهب

قسما سأنتصر الى الصلاة وبقينا نحن فى الشاليه مع الجميع

لنتوضأ و نستريح قليلا وتحدثنا عن انتماءتنا فكان من يسألنا

ونخبره بأننا " اخوان مسلمين " يبدى اهتمامه واعجابه بل

ويعتدل فى جلسته ليتكلم مع شباب الاخوان المسلمين ..

وجاء اتصال هاتفى يفيد بان هناك 30 شاب حضروا الى

العريش واجاب المتحدث ان تعالوا الى الشاليه مع بعض

والمكان امان وكل حاجة حلوة ولكن جاء اتصال اخر منهم ان

مجدى حسين سيذهب اليهم ليقابلهم اولا قبل ان يأتوا و

استمرت جلستنا هكذا حتى جاء ايضا الوحى الربانى بان نقف

امام الشاليه لننتظر قسما سأنتصر حتى يعود وما ان خرجنا

ووقفنا معه امام الشاليه حتى لاحظنا وجود 6 افراد شكلهم

غلط كده واحدهم يشير الى الشاليه فسريعا دخل عبد الهادى

واحضر حقيبته و انطلقنا على رمال الشاطئ لنبتعد قدر

الامكان عن هذا المكان وخاصة بعد انا اخبرنا قسما سأنتصر

بان الشاليه اترصد وابتعدنا كثيرا وقررنا ان نذهب الى رفح ولكن

هناك مشكلة ان فى الطريق لرفح هناك كمين " الخروبة " وهو

من اخطر الاكمنة على الاطلاق واحيانا لا يعبر الا من معه

بطاقة شخصية سيناء والا فيرجع

ــــــــــــــــــــــــــــــــــــــ


الى رفــــح



اخبرنا اخى قسما سانتصر ان هناك طريق اخر من الصحراء

والجبال يلف حول الكمين واتصل باحد اصحابه " احمد بكير "

الذى استأجر سيارة

7راكب وذهبنا اليه بتاكسى وقبل ان

نركب السيارة اتصلت مرة اخرى بغزة لكن الاخر اخبرنى ان

الوضع صعب للغابة وانه يجب على ان امر الى رفح

الفلسطينية ليستقبلنى هناك و قررنا ان نكمل على بركة الله

وبالفعل ركبنا السيارة انا وقساميون فى النص واحمد فى

الامام وعبد الهادى و قسما سانتصر فى الخلف والحق يقال

كانت تلك الفقرة من احلى وامتع فقرات الرحلة فكانت تذكرنى

بمجاهدو القسام .. لان وبكل صراحة الطريق كان وعرا لدرجة

لا توصف واكثر من مرة تميل السيارة بزاوية 50 درجة او ما

يقرب والظلام يحيط بنا من كل كل كل جاااااااانب ولكن بصدق

استمتعنا للغاية وسالنا السائق الى اين سنذهب فى رفح

فاخبرناه اننا نريد بوابة صلاح الدين وبالفعل وصلنا الى بوابة

صلاح الدين وما ان نزلنا من السيارة رأينا مخبرين بالهبل وضباط

شرطو ومرور وقلق جااااااااامد جدا هناك كل هذا ونحن على

اتصال بالقافلة القادمة بالمنصورة ولكن عرفنا ان العربية عطلت

وانها غالبا احتجزت داخل الاسماعيلية وادركت ان ولله الحمد

نحن اول من وصل الى هذا المكان فى تمام الساعة 11.30

يعنى الحمد لله يوم 10 رمضان لسه .. واحنا اول ناس وصلنا

الى بوابة صلاح الدين وجاءت لنا الاخبار ان الامن اعتقل 7 من

الشاليه منهم 3 بنات ( افرجوا عنهم تانى يوم ) وان هناك الان

مؤتمر وفاعليات لان الامن اغلق مداخل الاسماعيلية وجدنا

صعوبة فى ان نستمر فى بقاءنا فى رفح بسبب الامن

الكثيييييييير للغاية وانقطاع الامل فى ان يصل احد الى تلك النقطة

مقابلة احد الشباب من حماس
فى رفح المصرية


فركبنا سيارة و ذهبنا الى احد اصدقاء احمد بكير وهو من

فلسطين اصلا ومن حماس اسمه" تامر " وكان من المرابطين

هناك ولكن هو هنا الان بسبب ظروف دراسته وحكى لنا كثيرا

عن الانفاق وعن حماس و عن ازمة المعابر وان الانفاق تدر

ربحا كبيرا على اهالى رفح لان الفرد الواحد عبوره فقط يكلف

250 دولار ووقفنا فى منزله لنشاهد الارض المباركة ونشاهد

ابراج الحراسة البعيدة وعليها حراس حماس لمنع التهريب و

شاهدنا نفقين احدهم داخل منزل مجاور والاخر داخل كشك و

طبعا هناك شبكة فلسطين ( جوال ) مغطية رفح وكان معه

شريحة فلسطينية واتصل لنا باحد شباب حماس فكلمه ثم

اعطانى الموبايل لاحدثه فتحدثت معه واخبرنى انهم ينتظرونا

من الصباح وانهم كانوا مجهزين طعام لنفطر معهم فى غزة

وانهم لم يغادروا الا قبل المغرب بدقائق و رجعوا مرة اخرى

لصلاة التروايح عند المعبر وشكرنا كثيرا على مجهودنا و انه

فخور باخوان مصر و ابلغنى السلام الى كل اهل مصر الشرفاء

وواسانى قائلا انه قريبا نلتقى يوم الفتح الكبير عندما نصبح

كلنا معا فى الجهاد فى سبيل الله ... كانت مكالمة غاية فى

الروعة ثم ودعنا المجاهد الحمساوى بعد ان رأت اعيننا ارض

الرباط وجنود ارض الرباط وانفاق ارض الرباط وسماء ارض الرباط

و تراب ارض الرباط و تحدثنا الى شباب حماس سواء تامر

الذى اتصلنا به ." م . ع " او
ـــــــــــــــــــــ

رحلة العــــــــودة


انطلقنا الى مكان المواصلات ومن هناك اخذنا سيارة " لانسر

2007" لتاخذنا الى العريش ومن هناك اشترينا طعام السحور

وودعنا اعز الاصدقاء الذى يمكن ان تطلق عليه لفظ رجلا

بمعنى رجلا وركبنا وتوجهنا الى الاسماعيلية وفى الطريق

اكلنا ووصلنا الى الاسماعيلية فى تمام الساعة 4.05 اذان

الفجر بالظبط وصلينا الفجر وذهبنا لنركب سيارة المنصورة ونمنا

على الكنب فى انتظار ان يكتمل العدد وبالفعل اكتمل العدد

وحدثت خناقة سريعة بينى وبين السواق لكن الله سلم

وانطلقنا من هناك الساعة 5.30 ووصلنا الى المنصورة فى

تمام 7.55 صباحا وعدت الى المنزل وانا سعيد بدرجة

كبيييييييرة فى تمام الساعة 8.10 و عندما نمت هنا اقسم

انى رايت فى حلمى ان دخلت الى ارض غزة وانى التقيت

بالمجاهدين واكملت رحلتى فى حلمى

ـــــــــــــــــــــــــــــ


استفاداتى الشخصية من الرحلة

1- دون أي تحيز .......الحمد لله ع نعمة الاخوان ..

الحمد لله ع نعمة الاخوان سواء على الفهم الصحيح وعدم

الفوضى او على التواضع واستشعار ان المسئولية تكليف

وليس تشريف او على الطاعة والوحدة او على الحب

والمودة بينهم او على التربية الاخلاقية العالية

استشعار مدى التأييد الربانى والالهام الذى كان مرافقا-2

معنا طوااااااااااااال الرحلة وازدياد القرب من الله

منة كبيرة من الله انى رايت ارض الرباط وتحدثت الى -3

بعض اهلها كما ذكرت وان شاء الله المرة القادمة ادخل اليها

-4 التعرف الى شخصيات رائعة مثل عبد الهادى واحمد بكير

وازدادت علاقتى بشدة مع حسام ومع قسما سأنتصر

وطبعا مع اخى قساميون

5- ازدادت ثقتى فى نفسى الحمد لله وازدادت جرأتى بعد

كل المغامرات السابقة


6- رأيت بعض القوى السياسية لاول مرة مثل6 ابريل

وكفاية واكتشفت ان بعضهم لديهم حماسة كبيرة جداااااا

ولكن دون فهم او نظام او تخطيط معين

وجزاكم الله خيرا

وعقبالكم جميعا

ـــــــــــــــــــــــــــــــــــــــــــــــــــــــــ

وجزاكم الله خير الجزاء اخونا الفاضل

علي هذه المتعه التي عشناها مع لذة الجهاد وجعله الله

في ميزان حسناتكم ... ورزقنا اياها جميعا ... اللهم امين

ـــــــــــــــــــــــــــ

كمان الاخوه الي كانوا مع اخونا حماس كان ليهم خواطرهم

عن الرحله وتتقدروا تتواصلوا معاهم

أخونا ..قسما سأنتصر ::مدونة "واحد من العريش "

اخونا.. عبد الهادي:: مدونة" مصر في خطر "

شارك ايضا بالحمله ::

حسام يحي ::مدنة..صوت الحرية

عمرو سلامه :: مدونة..لسه عايش

مصعب جعفر :: مدونة..كوبايه شاي

ريمـــــا :: كان نفسها تتكتب هنا

ــــــــــــــــــــــــــــــــــــ

بالنسبه للاخبار والتغطيات

اخونا :: اجمد " مدونة " .. انا انسان

موقع كفــــــــايــه

اخـــــوان اون لايــــــن

قاموا بتغطيات جامده بجد ربنا يكرمهم جميعا

ــــــــــــــــــــــــــــــــــــــــ

وطبعا احلي حاجه نختم بيها ألبوم الصور

حبيت كالعاده اجمعلكم اكبر قدر ممكن من الصور المتعلقه بالموضوع متجمعه من بعض المدونات والمواقع











































































































اللهم اجعل هذا العمل خالصا ولوجهك خالصا ولا تجعل لأحدٍ فيه من شيء يارب العالمين .

والله الواحد جواه كلام كتير اوي وجزاه شعوري بالفرح والغطبه لأخواننا الي وصلوا ونالوا شرف الجهاد وشعور تاني بالتمني واننا نكون مكانهم ونحس بلذه الجهاد في سيبل الله وشعور اخير وصعب ع سلطه مصر وع موقف مصر وع موقف الامن

ياااااااااااااه أي سلطه عليكي يامصر تخلي اهلها مش قادرين يتحركوا من مكان لمكان حتي جوا البلد

لكن يقينا بالله كبير اوي وبانفسنا والنهارده بنحلم لكن بكرا هنحقق حلمنا وهيطلع مننا الي انتوا بترهبوه

ــــــــــــــــــــــــــ

بنعتذر لأننا طولنا عليكوا كالعاده

جزاكم الله خيــــــرا

ونتواصي باذن الله بالدعاء لأخواننا في غزة

ولبعضنا بظهر الغيب

جزيتم جميعا كل الخير

ولضيوفنا الكرام

BooOooOoORKtm

ولاتنسوني من صالح دعائكم

Rima أختــكم :::